Demokrasi iku wangun utawa mékanisme sistem pamaréntahan sawijining negara minangka upaya mujudaké kadhaulatan rakyat (kakuwasan warganegara) sadhuwuring negara kanggo dilaksanakaké déning pamaréntah negara kasebut.
Salah siji pilar demokrasi yakuwi prinsip trias politica sing mérang katelu kakuwasan pulitik negara (eksekutif, yudikatif lan legislatif) kangggo diwujudaké jroning telung jinis lembaga negara sing indepènden lan sajajar siji lan sijiné. Kasejajaran lan indepèndensi katelu jinis lembaga negara iki diperlokaké supaya katelu lembaga negara iki bisa silih ngawasi lan silih ngontrol adhedhasar prinsip checks and balances.
